Neymar e ka përjetuar shumë keq rënien e Santosit në divizionin e dytë të futbollit brazilian, njësoj si gjithë tifozët e skuadra historike.

Sulmuesi i Al Hilal në Arabinë Saudite, u rrit te Santos, ndërkohë që kaloi katër sezone tek ekipi i parë përpara se të transferohej te Barcelona në vitin 2013.

Pavarësisht dhimbjes së madhe, Neymar beson se ditë të mirë do të vijnë dhe bardhezinjtë do të rikthehen aty ku e kanë vendin.

“Do të rikthehemi të buzëqeshim”, thekson 31-vjeçari në lidhje me dështimin e klubit 111-vjeçar. Që për herë të parë në histori nuk do të jetë mes më të mirëve në Brazil.

Humbja në shtëpi 1-2 përballë Fortalezas, e ardhur në minutën e 90+6’, rezultoi fatale për skuadrën e Santosit.

Tifozët, të zemëruar prej rrëzimit nga kategoria të ekipit të zemrës, kanë shpërthyer në revoltë, duke djegur makina dhe autobusë nëpër qytet.

Ndërkohë që nuk ka munguar përplasja e dhunshme mes tyre dhe forcave policore.

Santos ka fituar 22 tituj kampionë Paulista dhe 3 Kupa Libertadores, po aq sa Palmeiras, Sao Paulo, Gremio dhe Flamengo./ss

❗⚽️?? – In Brazil, riots are occurring in the City of Santos following the relegation of the Santos FC football team to the second division of the National Championship.

Santos fans are burning cars and buses that drive around Vila Belmiro after the club’s relegation. pic.twitter.com/hfPndgS4e0

— ??The Informant (@theinformantofc) December 7, 2023